كل واحد يخلى باله من كليته ليه؟
في ناس كتير مش بتعرف أهمية الكليتين للإنسان.
في ناس كتير لما نقول لهم خلى بالك من كليتك يبصلك من فوق لتحت ولا يهتم.
عشان كده عايزين نلقى نظره مبسطه على هذا العضو الفذ—-الكلية—
الإنسان من نعم ربنا له 2 كلية عشان لو واحده تعبت الثانية تقوم بالواجب وتحفظ صحة الإنسان.
طيب سؤال إيه وظائف الكلية في الجسم البشرى؟
ضبط معدلات ضغط الدم.
إنتاج أنواع من الهرمونات(الإريثروبيوتين لإنتاج خلايا الدم الحمراء وتفعيل فيتامين -د- وغيره).
تقومان بعمليات ترشيح وتصفية الجسم وإخراج النفايات الضارة.
ضبط كمية السوائل فى الجسم.
حفظ كمية الكهارل( الصوديوم -البوتاسيوم-الكالسيوم وغيرها).
ضبط درجة حموضة الدم.
إعادة امتصاص بعض المواد المفيدة التي ترشح مع البول.
المساعدة في ضبط مستوى السكر بالدم سواء بصورة طبيعية أو بمساعدة الأدوية الحديثة التي تساعد الكلى على إفرازه في البول.
