طيب السؤال الان هو مش مذكور برضه في القرآن إن اللي بيصلى وبيقرا قرآن لا يمسه شيء؟
منا قولت للشيخ عتمان قالي: أصله جن مسلم القرآن مش بيأثر فيه
طيب وبعدين الشيخ عتمان يطلعه بقي ويقنعه بإن اللي بيعمله ده حرام؟
مش عارف يقنعه يا دكتورة
دي أخر حالة واخر افتكاسة للشيخ عتمان مع عبير
الظريف ان عبير لما راحت للشيخ عتمان كانت رايحة مع ينت خالتها، ومكنتش عندها أي شكوى من أي نوع.
حالة تانية لصفاء صفاء دي بقي حكايتها حكاية، عايشه مع زوجها سنين أغراب والأغرب أن الشيخ عتمان فهمها أن عليها جن عاشق، وعلشان يطلعه مرة زار ومرة طلبات وأوامر، وزوجها المسكين مصدق ومانع نفسه عنها خايف من حضرة الجن العاشق
طيب خلينا مع صفاء قبل ما يظهر الجن العاشق كان ايه علاقتك بزوجك؟
عادى يا دكتورة
بتحببيه يا صفاء؟ الصراحة يا دكتورة كان بيضربني ويشتمني
طيب بعد ما الأستاذ الجن ظهر أيه الوضع؟ بيخاف يا دكتورة
صفاء بتصلى؟
لا يا دكتوره مش بصلي بس بشغل قرأن في البيت طول الوقت
فاديه دي بقي حكايتها غريبة جدا زوجها مسافر الخليج بيجي شهرين في السنة عندها منه ٣ عيال
طول السنة بتكون كويسة أول ما زوجها يجي المرض والتعب والدوخة تمسكها
طبعا بعد ما لفت عند الدكاترة راحت للشيخ عتمان
قالها معمولك سحر
ومن يومها بتدور على اللي عمل السحر يوم تقول سلفتي أصلها غيرانة منى ، علشان زوجي بيصرف مش زوجها أصله على قده
وساعة تقول أمه أصلها بتكرهني وعايزاه يتجوز عليا
بتقرأى قرأن يا فادية؟
كل يوم يا دكتورة
بتصلى يا فادية؟ أيوه يا دكتورة
سلسلة من الدجل والشعوذة
هل المشكلة في وجود الشيخ عتمان؟
ولا المشكلة في اللي بيصدق الشيخ عتمان؟
ولا المشكلة في المعتقدات والجهل والتخلف؟
ولا المشكلة في الفهم الخاطئ للقرآن؟
عبير كل المشكلة أنها عندها قابلية وفهم خاطئ إن الكلام ده صحيح وموجود في القرآن وهو فعلا صحيح ولكن ليس بالصورة التي يصورها الدجالين
صفاء بتكره زوجها فوجدت ضالتها في الخدعة ومستمتعة بيها
اما فادية تزوجت شاب لا تعرف عنه أي شيء قضى معه شهرين أصبحت حامل رجع على ميعاد ولادتها شهرين وسافر وهكذا
مفيش أي نوع من التفاهم بينهما فطبيعي ان مشاعرها تصطنع أمراض نفس جسمية
مبدئيا مفيش سحر ولا جن هيقول أو يؤثر في شخص قريب من ربنا
ثانيا: لما يكون عندنا مشاكل نروح لاستشاري أو أخصائي ويفضل طبيب نفسي ونتعامل مع مشاكلنا قبل ما تتفاقم
ثالثا أفضل اننا نقرأ لنفسنا او أقرب الناس الينا ومن نثق فيهم يقرأ آيات التحصين
